Home / Opinion / See Annoying Things Nigerian Girls Constantly Do To Their Boyfriends
See Annoying Things Nigerian Girls Constantly Do To Their Boyfriends

See Annoying Things Nigerian Girls Constantly Do To Their Boyfriends

STEALS YOUR FOOD: You go carry babe enter restaurant, adjust your eye glasses, look menu finish come order for pounded yam and afang soup. Then you go turn look your babe ask her “Honey, you no go place your own order?” The babe go just bone tell you say her belle dey full. Omo, na so person go dey happy for mind say him go chop tight but that na dream. The moment food land, your babe go come closer to you, look the meat, fish, kpomo, snail and okporoko wey dey the soup. “Honey, are you going to eat those?” She go pick one meat. Next thing na to wash her follow you chop the whole food. This no be love, na confirm reducing of ration. Make una stop am abeg. you i know you stop it. wink


One of my friend and im former babe dey always get this issue. Normally we know say women get their time and e worse past African time. This my friend dey always add like 10 – 30 minutes for him babe so that she go do something quick but she must still delay. If na party, restaurant or Silverbird them wan go, na the same story. Na so this guy come device style o. Him go tell the babe say na 8:00pm be time for movie whereas na 9:00pm. Well, the babe break up with am. Why? She say him too dey lie. What of her wey dey delay.


But must women make us beg for our right again? All the isi-ewu, nkwobi, cow tail and bladder wey dem don chop. Some girls own self na to allow you see the kpekus only when you do something special. Maybe you buy her the latest Samsung Tablet, if not, O.Y.O for you. Some of them self get the liver to tell you something like this. “If you don’t buy me something for valentine, then I promise you, there will be no show!!!” Abeg, wetin make Valentine gift special abeg. Men still dey device their own plans sha.


Ladies, we know. We know say una family mean so much to una. Na so una go just una eyes for phone like say something dey special inside while we go just dey bed dey toss around. This thing no fair o. Sometimes, we men dey like make una give us that eye to eye contact when we dey yan with una.


Women no just know how to take compliment. Them go begin dey ask everybody if them make sense. After you carry 1 hour rub make-up, wetin you wan know again? Seriously, na only one person compliment suppose matter to una and that na una boyfriend(s).


Why be say una dey expect us to turn to mind reader because of una? Una go dey smile one kind smile dey wink for us or dey pinch us. Ah ahn, wetin una want? Una no go ever say. We dey attentive o, loving and caring but seriously, reading of minds na only witch dey do am and we no be witch.


The moment you carry wrong answer give her for question, or you do something wey she no like or you say something bad. Even if na before una start to dey date, before una marry or when una just marry, wahala dey oo. Just know say she go dey remind you that fuckup all your life.


“Do I look fat in this?” “Is my friend Amara pretty?” “If I ended up in a wheelchair would you still love me?” All of us know this question. Na the answer go determine wetin you go hear and wetin you no go hear. Seriously, women go just use innocent question make you trap yourself.

Add Yours



About NaijaAmebo

NaijaAmebo is a Nigerian news carrier blogger, writer and an entrepreneur

Leave a Reply

For Adverts Placement Or News Updates, Contact Us On WhatsApp Or Call: 07061967265. Email admin@naijaamebo.com To Publish Your Articles.